சேலம் அசைவ உணவகங்கள்

சேலத்தின் பிரதான அசைவ உணவகங்கள்

எனதன்பார்ந்த சேலம் வாழ் மக்களே  மற்றும் சேலம் மாநகர்  வாழவைக்கும் மக்களே என்றென்றும்  ஏக்கத்துடன் வாழ்க்கையை அணுவணுவாய் அனுபவிக்கும் மேன்சன்வாழ் பிரம்மச்சாரிகளே வந்து  போகும் வாகன ஓட்டிகளே


சேலத்தில் உள்ள அசைவ ஓட்டல்கள் பற்றியும் சொல்லிவிட வேண்டும்  அப்போதுதான் இந்த பதிவு முழுமை பெரும் ..

 அசைவத்திற்கு பலாண்டு பெயர் பெற்ற சத்திரம் இறக்கம் பாம்பே சுந்தரவிலாஸ் பிரியாணி அந்த காலத்தில் பெயர்பெற்றது
 (தற்போது கொடுமையடா சாமி .. )


தற்போது  போட்டி வறுவல், மூளை வறுவல் அறுமை ..அப்புறம் சைடிஷ்  சில்லி சிக்கன் இருக்கவே  இருக்கிறது




 அதே சத்திரம்சென்டரல்  இறக்கத்தில் மாலையில் தள்ளுவண்டிகளில் சுடசுட
 அசைவ டிபன் வகைகள்


 (தண்ணி பார்டிகளுக்கென்றே பிரத்தேயேகமானது ...ருசி அருமை ஆனால்  வயிற்றை கொஞ்சம் கவனிக்கவும்)





அப்புறம் பழைய பஸ் ஸ்டாண்டு  கிச்சிபாளயம் முகமது புறா தெருவில் பாய் பிரியாணி  கடைகள் , பாசுமதி மற்றும் சீரக சம்பா அரிசியில் அப்பப்பா எப்படித்தான் சமைக்கிறார்களோ



.தின்ன தின்ன ஆசை ....சிக்கன் ,ஆடு, மாடு, மீன் மற்றும் ஸ்பெசலாக ஈரல் வறுவல்... ம் ம் ம்  இட்லிக்கு ஓகே .. அனைத்தும் உள்ளது . வகை வகையாய் உள்ளே தள்ளல்லாம் ..



குகை காளியம்மன் கோவில் எதிரில் உள்ள தோசை கடைகறி குழம்பு  ,




தியாகராஜா பாலிடெக்னிக் எதிரில் உள்ள கலியுகா ஓட்டல் ,ராகிகளியும்
கருவாட்டு / கீரை குழம்பும் ,



 கொண்டலாம்பட்டி குமார்கடை பிரியாணி , ஆட்டுக்கறி ,நாட்டுகோழி  வறுவல்



.ஜாகிரம்மபாளயம் கே .பி .என் பங்க் எதிரில் ச ந்தில் உள்ள தேவுது கடை அசைவ ஓட்டல் ஆட்டுக்கறி ,நாட்டுகோழி,மூளை பிறை ,பேமஸ் போட்டி வறுவல் . சோறுடன் பிசைந்து  ஆகா அறுமை அப்புறம்  ரசம்   என்ன சுவை என்ன சுவை



அப்புறம் செல்விமெஸ் ..புது பஸ்டாண்டு   ராமலிங்கம் ஓட்டல்  .ஸ்ஸ் ஆ ஆ  படுகாரமான அசைவு உணவுகள் .



பழைய பஸ்ஸ்டாண்டு  சாந்தி தியேட்டர் எதிரில் உள்ள பேமஸ் மங்களம் கறி சோறு மற்றும் விவேகானந்தா தோசை ,கறி சோறு , spl குழம்பு ,

நான்கு ரோடு கடல் மீன் கடை மீன்குழம்பு சோறு , மீன் வறுவல் .பெரமனூர் மெய்ன் ரோடு உதயம் டிபன்  கடை  ,


 காரிபட்டி அன்பு மெஸ் . புது பஸ் ஸ்டாண்டு  ராஜகணபதி கறி சோறு கடை ..

ஜங்சன்  ரஹ்மானியா  பிரியாணி கடை .


steel palaant ரோடு கொல்லல்பட்டி சோக்கு கடை பன்னிகறி ,ஆட்டுக்கறி

வறுவல் ,,நாட்டுகோழி வறுவல் , ரத்த பொறியல் மீன் வறுவல் எல்லாம்

வீட்டிலேயே  சமைத்து அங்கேயே பரிமாருவர்கள் ஆனால் என்ன கொஞம் காரம் ஜாஸ்தி.


.

.ஐந்து ரோடு  ம்ற்றும்  4 ரோடு .ட்டி.வி.எஸ் வெள்ளை பன்றிகடையின்.. குஷ்பு   இட்லி பன்னிகறி வறுவல் . காம்பினேசன்  ஆகா  என்னருசி ...  என்னருசி...

ஆன்லைன் சான்றுகள்

ஆன் லைனில் வட்டாட்சியர் அலுவலகத்தில் சாதி சான்று வருமானசான்று பெறுவது எப்படி

ஜாதிச் சான்றிதழ் பெறுவது எப்படி?

எங்கே விண்ணப்பிப்பது? என்னென்ன தேவை? 

பொருளாதார மற்றும் சமூக  நிலைகளில் பின்தங்கி  இருப்பவர்களை முன்னேற்றும் விதமாக கல்வி மற்றும் வேலைவாய்ப்புகளில் முன்னுரிமை தருவது உள்ளிட்ட சில சலுகைகளை அரசு அளித்துள்ளது. இவற்றைப் பெறுவதற்கு ஜாதிச் சான்றிதழ் மற்றும் வருமானச் சான்றிதழ் அவசியமாகிறது. பள்ளியில் படிக்கும் மாணவர்களுக்கு ஜாதிச் சான்றிதழ், வருமானச் சான்றிதழ் ஆகியவை பெரும்பாலும் தேவைப்படும். எனவே இந்தச் சான்றிதழ்களை எவ்வாறு பெறுவது, இந்தச் சான்றிதழ்களின் பயன்பாடு என்ன என்பது பற்றி தெரிந்துகொள்வோம்.

ஜாதிச் சான்றிதழ் :

   ஒருவர் தமிழக அரசின் ஜாதிகள் பட்டியலிலுள்ள குறிப்பிட்ட ஜாதியைச் சேர்ந்தவர் எனத் தெரிவித்து வருவாய்த் துறை அளிக்கும் சான்றிதழே ஜாதிச் சான்றிதழ். 
   ஜாதிச் சான்றிதழ் பெரும்பாலும் மாணவர்களுக்கும், அரசுப் பணியில் சேருபவர்களுக்கும் மட்டுமே நடைமுறையில் தேவைப்படுகிறது. இச்சான்றிதழ் ஒரு தற்காலிகச் சான்றிதழே. ஏனெனில் எவரும் ஜாதியை மாற்ற முடியாது.

  ஆனால் வகுப்பு மாறலாம். அதாவது ஒருவர் பிற்பட்ட வகுப்பில் இருக்கிறார் என்று வைத்துக்கொள்வோம். அவர், தனது மதத்தை மாற்றிக்கொள்ளும்போது, வேறு வகுப்பிற்கு சென்றுவிடுவார். அதாவது, ஆங்கிலத்தில் community certificate என்று அழைக்கப்படும் இச்சான்றிதழ் தமிழில் வகுப்புச் சான்றிதழ் என்றே அழைக்கப்பட வேண்டும். ஆனால், ஜாதிச் சான்றிதழ் என்றுதான் அழைக்கப்படுகிறது. எனவே, ஜாதியை மாற்ற முடியாவிட்டாலும், வகுப்பு என்பது நிலையானதல்ல. எனவே, ஜாதிச் சான்றிதழும் ஒரு நிலையான சான்றிதழ் அல்ல. இருப்பினும் மாணவர்கள் தங்கள் கல்வித் தேவைகளுக்காக ஒருமுறை இச்சான்றிதழைப் பெற்றால், அதைப் பல வருடங்களுக்குப் பயன்படுத்திக் கொள்ளலாம்.

மதம் மாறினால்:

மாணவர்களின் பெற்றோர் தங்களது மதத்தை மாற்றிக்கொண்டால், அதை முறைப்படி தெரிவித்து, தங்களது ஜாதிச் சான்றிதழையும் மாற்றிக்கொள்ள வேண்டும்.

பிற காரணங்கள்:

கல்விக் காரணங்களைத் தவிர்த்து மற்ற காரணங்களுக்காக இச்சான்றிதழ் தேவைப்படலாம். உதாரணமாக இரண்டு பெண் குழந்தைகள் நலத்திட்டத்திற்கு இச்சான்றிதழ் வேண்டுமென்றால், அதற்கு வழங்கப்படும் சான்றிதழ் ஒரு முறை, குறிப்பிட்ட காரணத்திற்காக மட்டும் பயன்படுத்தும்படியே வழங்கப்படும்.

எங்கே விண்ணப்பிப்பது?

வட்டாட்சியர் அலுவலகத்தில் விண்ணப்பம் பெற்று, தேவையான ஆவணங்களை இணைத்து விண்ணப்பித்துப் பெற்றுக்கொள்ள வேண்டும்.

தேவையான ஆவணங்கள்:

குடும்ப அட்டை, மாற்றுச் சான்றிதழ், பெற்றோரின் இனச் சான்று ஆகியவற்றின் நகல்களை இணைக்க வேண்டும்.

வேறு ஆவணங்கள் ஏதாவது இருப்பின் கூடுதலாக அளிக்கலாம்; ஆனால் கட்டாயமில்லை. பொதுவாக மனுவுடன் கூடுதல் ஆவணங்களை/ சான்றுகளை இணைப்பது வட்டாட்சியரின் பணிகளில் ஓர் எளிமையைக் கொண்டுவந்து, சான்றிதழை விரைவாகப் பெறுவதற்காகவே.

ஒருவருக்கு குடும்ப அட்டையே இல்லை; எனவே அவருக்குச் ஜாதிச் சான்றிதழே வழங்க முடியாது என்று கூற முடியாது. வேறு ஆவணங்கள் ஏதும் இல்லையென்றால், மனுவை மட்டும் உரிய முறையில் பூர்த்தி செய்து அளித்தால் போதுமானது. இப்படி மனு அளிக்கும்போது, சான்றிதழ் பெற இரண்டு அல்லது மூன்று நாள்கள் கூடுதலாக எடுத்துக்கொள்ளப்படும். எனினும் சான்றிதழ் வழங்குவதற்குத் தேவையற்ற காலதாமதத்தை வட்டாட்சியர் அலுவலகம் ஏற்படுத்த முடியாது.

ஏனென்றால், வட்டாட்சியர் அலுவலகம்தான் அடிப்படைச் சான்றுகளை அளிக்கும் ஒரு அலுவலகம். அவர்களே பொதுமக்களிடம் ஏதாவது சான்று கொடுத்தால்தான் பொதுமக்கள் கேட்கும் சான்றிதழை வழங்க முடியும் என்று கூறுவது முறையல்ல.

எந்த ஆவணமும் இணைக்கப்பட முடியாதபோது, பொதுமக்கள் தங்களுக்குத் தேவையான சான்று பெற, வட்டாட்சியருக்கு முழு ஒத்துழைப்பு நல்க வேண்டும் என்பது ஒரு கூடுதல் தேவை.

அதாவது தங்களது கோரிக்கைக்கு வலுவூட்டும் காரணிகளை அளித்தல் உள்ளிட்ட சில கூடுதல் பணிகளைச் செய்யலாம். இதுவும் கட்டாயமல்ல.

ஒரு வட்டாட்சியருக்கு, எவ்வகையிலும் விசாரித்து எந்த உண்மையையும் கொண்டுவரத் தேவையான அனைத்து அதிகாரமும் வழங்கப்பட்டுள்ளது. எனவே, ஆவணங்கள் இருந்தால் அளிக்கலாம்; இல்லாவிட்டால் வட்டாட்சியரே சரியான சான்று வழங்குவார்.

வருமானச் சான்றிதழ் :

ஆண்டு வருமானம் இவ்வளவு என்று வருவாய்த் துறையால் அளிக்கப்படும் சான்றிதழே வருமானச் சான்றிதழாகும்.

வருமானச் சான்றிதழானது பள்ளி, கல்லூரியில் சேருவதற்கும், கல்விக் கடன்கள் பெறுவதற்கும் மாணவர்களுக்கும் அவர்களின் பெற்றோர்களுக்கும் அதிக அளவில் பயன்படுகின்றன. மேலும், வங்கியில் கடன் பெற, மூவலூர் இராமாமிர்தம் திருமண உதவித்திட்டம், இரண்டு பெண் குழந்தைகள் நலத்திட்டம் உள்ளிட்ட அரசின் நல உதவிகள் பெறுவதற்கும் அரசுப் பணிகளில் பணியமர்த்தப்படுவதற்கும் இன்றியமையாத ஒன்றாகிறது. இந்தச் சான்றிதழ்களைக் கொண்டு குறிப்பிட்ட ஒதுக்கீட்டின் கீழாக அரசு அளிக்கும் பல்வேறு சலுகைகளைப் பெற முடியும்.

ஆண்டு வருமானம் பன்னிரண்டாயிரத்திற்குக் குறைவாக உள்ளவர்கள் ரூபாய் இரண்டுக்கும், அதற்கு மேல் வருமானம் உள்ளவர்கள் ரூபாய் பன்னிரண்டுக்கும் நீதிமன்ற வில்லை ஒட்ட வேண்டும்.

தமிழக அரசுப் பணியாளர்கள் இந்த முத்திரை வில்லைகளை ஒட்ட வேண்டியது இல்லை. வட்டாட்சியர் இம்மனுவைத் தகுந்த விசாரணைக்கு உட்படுத்தி, மனுதாரரின் தகவல்கள் சரியானவை என்று உறுதிப்படுத்திக் கொண்ட பிறகு சான்று வழங்குவார்.

ஆண்டு வருமானம் ரூபாய் இரண்டு லட்சத்திற்குக் குறைவாக இருந்தால் மண்டல துணை வட்டாட்சியர்களும், அதற்கு மேல் ரூபாய் மூன்று லட்சம் வரை வட்டாட்சியரும் சான்று வழங்குவர்.

வாங்க சார் வத்தல் மலைக்கு போகலாம்

வாங்க சார்  வத்தல் மலைக்கு போகலாம் 

பயப்படதீங்க நாம ஒன்னும் மிளகாய் வத்தல் வானக போகல சார் 

உன்மையிலேயே ஓரு மலைக்கு தான் இந்த பெயர் 

ஆமா தர்மபுரி அருகில் உள்ளது இந்த மலை சரி எப்படி போவது 

 

ர்மபுரியிலிருந்து 15 கிலோ மீட்டல் தொலைவில் உள்ளது வத்தல்மலை. தர்மபுரி ஆட்சியர் அலுவலக பகுதியிலிருந்து செல்ல எட்டியனூர் வழி, நல்லாம்பள்ளி வழி என இரண்டு வழிகள் உள்ளன. பொம்மிடி வழியாகவும் செல்ல முடியும். மலையில் ஏறுவதற்கு டூவீலர் மற்றும் காரை விட ஜீப் மட்டுமே சிறந்தது. தர்மபுரி பெண்கள் உயர்நிலைப் பள்ளி அருகிலிருந்து வத்தல் மலைக்கு வாடகை ஜீப்கள் செல்கின்றன. ரூ.10 மட்டுமே கட்டணம். அங்கிருந்து வத்தல் மலையை அரை மணி நேரத்தில் எட்டிப் பிடித்து விடலாம். வழியெங்கும் ஜில் ஜில் கொண்டாட்டம்தான்.  

மலையேறும் வழியில் இரண்டு, மூன்று அருவிகள் உங்களைக் கொண்டாட அழைக்கும். மழைக்காலங்களில் அதிகத் தண்ணீரும், கோடையில் மிதமான நீர் வரத்தும் இருக்கும். இவற்றை ரசித்த பின்னர் காபி, மிளகு, சௌசௌ பயிரிடப்பட்டிருக்கும் தோட்டங்களின் அழகை மனதெங்கும் நிறைத்துக் கொள்ளலாம். அங்கேயே இயற்கைச் சூழலில் சமைத்துச் சாப்பிடுவதிலும் ஒரு தனி ருசி உண்டு. அங்கேயே சுள்ளி சேகரித்து கல்லால் அடுப்புக் கூட்டி சமைப்பதற்கான மளிகைப் பொருட்கள் மற்றும் கோழி ஆகியவையும் கிடைக்கிறது. அல்லது தர்மபுரியிலிருந்து செல்லும்போதே மதிய உணவையும் பேக் செய்து செல்லலாம். 

வத்தல்மலை கொண்டாட்டத்தை முடித்துக் கொண்டு மாலையில் தர்மபுரி திரும்பினால் அருகிலேயே காலபைரவர் கோயில் அமைந்துள்ளது. அஷ்டமி நாளில் இந்த காலபைரவரை வணங்குவது சிறந்தது. இங்கு நடக்கும் அஷ்டமி பூஜையில் தேங்காய், எலுமிச்சை ஆகியவற்றில் விளக்கு வைத்து வழிபடுவது வழக்கம். இவ்வாறு வேண்டிக் கொண்டால், நினைத்தது நடக்கும் என மக்கள் நம்புகின்றனர். இங்கிருந்து 8 கிலோ மீட்டர் தொலைவில் அமைந்துள்ளது அதியமான் கோட்டம். இங்கு தமிழக வரலாற்றில் இடம்பிடித்திருக்கும் பல சுவாரஸ்யங்களைத் தெரிந்து கொள்ளலாம். 

இங்கு அதியமான் கட்டிய பெருமாள் கோயில் அமைந்துள்ளது. இங்குள்ள கல்வெட்டுகளும், மூலிகை சாற்றினைக் கொண்டு வரையப்பட்ட ஓவியங்களும் வரலாற்று முக்கியத்துவம் வாய்ந்தவை. அந்தக்கால சமூக, பொருளாதார மற்றும் கலாசார அரசியல் நிலை, நிர்வாக முறை உள்ளிட்டவற்றை தெரிந்து கொள்ளலாம். இந்த மூன்று இடங்களையும் சுற்றிப் பார்த்தால் ஒரு நாள் முடிந்து விடும். இரண்டு நாள் டூரைத் திட்டமிடுபவர்கள் தர்மபுரியை சுற்றிப் பார்த்த பின்னர் அடுத்ததாக ஒகேனக்கல்லையும் ஒரு பார்வை பார்த்து விட்டுச் செல்லலாம்.

மூக்கனேரி யின் முகவர்

மூக்கனேரி யின் முகவர் 

ராஜாஸ்தான் மாநிலத்தை பூர்வீகமாக கொண்டவர்,ஆனால் தாத்தா காலத்திலேயே தமிழகத்தின் சேலம் நகருக்கு குடிபெயர்ந்த வியாபார குடும்பத்தை சேர்ந்தவர். இவர் பிறந்தது,வளர்ந்தது,படித்தது எல்லாமே சேலத்தில்தான்.முற்போக்கு சிந்தனை கொண்ட இவர் கல்வி காசாக்கப்படுவதை கண்டித்து நடந்த போராட்டத்தில் ஈடுபட்டதை அடுத்து இவர் படித்த கல்லூரி நிர்வாகம் இவரை வீட்டிற்கு அனுப்பிவிட்டது. அதன் பிறகு சேலம் மண்ணையும்,மக்களையும் பற்றி படிக்க ஆரம்பித்தார்.

குடிக்க தண்ணீர் இல்லை என்று புலம்பும் சேலம் மக்களின் கண்ணீருக்கு காரணம்தான் என்ன? என்பதை அறிய முற்பட்டார்.

அப்போதுதான் மழைக்காலத்தில் ஒன்று நிரம்பினால் இன்னொறுக்கு என்று சங்கிலித்தொடர் போல நீர் நிரம்பிகாணப்பட்டதும்,சேலத்தின் நீர்வளத்தை பாதுகாத்து வந்ததுமான முப்பதிற்கும் மேற்பட்ட ஏரிகள் தனியாரால் வாங்கப்பட்டும்,வளைக்கப்பட்டும் நாசமானது தெரியவந்தது.

இப்போது அந்த ஏரிகள் இருந்த இடமெல்லாம் தூர்ந்து போய் பாலைவனமாகி விட்டது. கிரானைட் மற்றும் பாக்சைட் நிறுவனங்களின் கழிவுகள் கொட்டிவைக்கப்படும் ரசாயன தொட்டியாகிவிட்டது.

10 ஆண்டு போராட்டம்:

இப்படி இழந்த குடிநீர் ஆதாரங்களை மீட்டெடுக்கவேண்டும் என்று முடிவுசெய்து சேலம் மக்கள் குழு என்ற அமைப்பை ஏற்படுத்தி கடந்த பத்து வருடங்களாக போராடிவருகிறார்.மூங்கில் பொருட்கள் தயாரிப்பு மற்றும் விற்பனை செய்துவரும் இவர் இதற்காக செலவு செய்யும் நேரத்தை விட சேலம் மக்கள் குழுவிற்காக செலவிடும் நேரமே அதிகம்.

போராட்டம் மட்டுமே தீர்வாகாது ஒரு ஏரியின் அருமையை இந்த சேலத்தின் மக்களுக்கும், அதிகாரத்தில் இருப்பர்களுக்கும் உணர்த்தவேண்டும் என்று முடிவு செய்தார்.

அப்போதுதான் படு மோசமான நிலையில் இருந்த மூக்கனேரியை பாரமரிக்கும் பொறுப்பு இவருக்கு வந்தது.சேலம் மக்கள் குழுவின் சார்பாக நிதி திரட்டி இந்த ஏரியிலேயே இரவு பகலாக தனது நேரத்தை செலவழித்தார்.

முதலில் பள்ளி கல்லூரி மாணவர்களை அழைத்து ஏரியின் பெருமைகளை சொல்லி தூர் வார வைத்தார், ஏரிக்கு நடுவே 48 திட்டுக்களை ஏற்படுத்தி ஒவ்வொரு திட்டிலும் 300 மரங்களை நட்டார்.

பறவைகள் சரணாலயம்:

சில மாதங்கள் சென்ற பிறகு திட்டுக்களில் மரங்கள் வளர்ந்து பலன்கள் தந்தது,வளர்ந்த மரங்களுக்கு பறவைகள் வந்து தங்கியது, இப்போது மூக்கனேரி சோலைவனமாகவும், பறவைகள் சரணாலயமாகவும் மாறி நிற்கிறது.கரைகளில் பூங்காக்கள் அமைக்கப்பட்டு குழந்தைகளோடு சேலம் குடும்பத்தினர் வந்து மகிழ்ந்து செல்கின்றனர்.எல்லாவற்றுக்கும் மேலாக ஏரியில் தேக்கப்பட்ட நீரால் இந்த பகுதியின் நீர் மட்டம் உயர்ந்து இந்த பகுதியில் தண்ணீர் பிரச்னை இல்லை என்ற நிலை ஏற்பட்டுள்ளது.இதன் பிறகுதான் ஏரியின் அருமையை அனைவருமே உணர ஆரம்பித்தனர்.

இப்போது இந்த பகுதி மக்கள் ஏரியில் யாரையும் குப்பை கொட்டவிடுவது இல்லை,பிளாஸ்டிக் ,பழைய துணிகள் போன்ற கழிவுகளை விட்டெறிவது இல்லை,ஏரியை புனிதமாக கருதி கரையோரங்களில் நான்தான் மாரி (தெய்வம்) என்னை மதியுங்கள், நான் உங்களை மதிப்பேன் என்று எழுதிவைத்து ஏரியை மாரியாக வழிபட்டு வருகின்றனர்.இன்னும் இரண்டு ஆண்டுகளில் மூக்கனேரி சேலத்தின் பெருமைமிக்க இடங்களில் ஒன்றாக திகழப்போவது உறுதி.

இதற்கு பிறகு மாவட்ட நிர்வாகமே சேலம் மக்கள் குழுவை அழைத்து சுகாதார சீர்கேட்டின் மொத்த உருவமாய் காணப்பட்ட அம்மாபேட்டை ஏரியையும்,இஸ்மாயில்கான் ஏரியையும் சுத்தம் செய்து மூக்கனேரி ஏரி போல மாற்றித்தர கேட்டுக்கொண்டுள்ளது.

நல்லது செய்ய முயன்றால்:

சமூகத்திற்கு நல்லது செய்யப்போனால் எத்தனை போட்டி பொறாமை எதிர்ப்புகள் வசவுகள் வரும் என்பதை ஒவ்வொரு நாளும் நான் உணர்கின்றேன், ஆனாலும் என்னையும், என் குடும்பத்தாரையும் வாழவைக்கும் சேலத்திற்கு ஏதாவது செய்யவேண்டும் என்று முனைப்புடன் செயல்பட்டு வருகிறேன்.

வெறுமனே சேட்டு வீட்டு பிள்ளையாக இருந்து வியாபாரத்தில் வரும் லாபம் நட்டத்தை மட்டும் பார்த்துக்கொண்டு இருப்பதில் எனக்கு மனமும் இல்லை விருப்பமும் இல்லை.

தண்ணீரை மையப்படுத்தி மூன்றாம் உலகப்போர் வருவதற்கு முன்பாக நம்நாட்டில் உள்நாட்டு போரே வந்துவிடும் அபாயம் உள்ளது,இதை உணர்ந்து நீர் நிலைகளை மதித்தால் நீர்நிலைகள் நம்மை மதிக்கும், அதற்கு உதாரணம்தான் மூக்கனேரி.

சேலம் மக்கள் குழுவில் நான் ஒரு சாதாரணமானவன்தான் ஏரியை சுத்தப்படுத்த முதலில் தரப்படும் பணம் என் பணம்தான், ஏரியை சுத்தப்படுத்த முதலில் சேறு வார இறங்கும் கால்கள் என்னுடைய கால்கள்தான், ஏரியை வலுப்படுத்த முதலில் கல் சுமப்பது என் கைகள்தான்.

மூக்கனேரி, அம்மாபேட்டை ஏரி, இஸ்மாயில்கான் ஏரி போல நம்நாட்டில் ஆயிரமாயிரம் ஏரிகள் இருக்கின்றன இந்த ஏரிகளை காப்பாற்றுவதுதான் நாம் நமது அடுத்த தலைமுறைக்கு தரும் நிஜமான செல்வம் நீர் நிலைகள்தான். ஆகவே கொஞ்சம் முயன்றால் என்னைவிட சிறப்பாக செயல்பட உங்களாலும் முடியும், உங்கள் ஊர் ஏரிகளை சிறப்பான நிலைக்கு கொண்டு வர முடியும்,தேவை எல்லாம் கொஞ்சம் முயற்சியே,உங்கள் முயற்சிக்கு தேவையான ஆலோசனைகளை வழங்க எப்போதும் தயராக இருக்கிறேன் 

என்று சொல்லும் பியுஷ் மனுஷ்டன் தொடர்பு கொள்ள: 9443248582.